דאנערשטאג פ' מקץ • כ"ה כסלו תשפ"ה | בחצרות הקודש
די תלמידים פון ישיבת 'מאור החיים' אין בארא פארק, האבן די וואך געהאט די זכיה אירינצוגיין אל הקודש פנימה ביי כ"ק אדמו"ר מסקווירא שליט"א, נאכדעם וואס זיי האבן זיך מקבל געווען גדרים וסייגים בעניני טעכנאלאגיע.
צום ערשט האט אויפגעטראטן דער ראש ישיבה הגאון רבי אברהם שטיינמעץ שליט"א וואס איז א זוהן פון הגה"צ רבי מיכל שטיינמעץ דומ"ץ סקווירא בארא פארק און האט ארויסגעברענגט די חשיבות פון די בחורים וואס זענען זיך מתנזר פון די טעכנעלאגישע כלים למיניהם אין דעם היינטיגן שווערן דור.
דאן האט מען געהאט די זכיה צו הערן לענגערע שיחות קודש פון כ"ק אדמו"ר מסקווירא שליט"א וועלכע האט גאר שטארק מחזק געווען די בחורים, ווייטער אנצוהאלטן די קבלות טובות און נישט נאכלאזן טראץ די נסיונות הדור. ביים ענדע זענען אלע בחורים אריבער אל מול פני הקודש און מקבל געווען ברכת קדשו.
