מונטאג פ' ויקהל • כ"ד אדר א' תשפ"ד | בחצרות הקודש
בילדער קרעדיט: שלומי טריכטר
פארלאפענעם מיטוואך (כי תשא) איז כ"ק אדמו"ר מסערט וויז'ניץ שליט"א אנגעקומען קיין בית שמש ווי די רבי האט באשיינט די מעמד החומש סעודה פון די ילדי החמד תלמידי כתה א' – די מייסדים פון די נייע בליענדע תלמוד תורה דחסידי סערט וויז'ניץ אין די רמה ד' געגענט אין בית שמש, וועלכע האט זיך בליץ שנעל קונה שם געווען אלס א אייגנארטיגע מקום תורה פאר די ילדי תשב"ר. די מעמד איז פארגעקומען אין די גרויסע אודוטאריום אינעם געגענט, ווי די רבי שליט"א האט מיטגעהאלטן די פסוקים און ניגונים דורך די חתני המקרא מיט גרויס הנאה, אין דערנאך פארטיילט חומשים פאר די קינדער און ווארעם אנגעוואונטשן די תלמידים, די עלטערן און די צוות התלמוד תורה.
נאכן מעמד איז די רבי אנגעקומען אינעם בנין התלמוד תורה, און ארומגעגאנגען צווישן די קלענערע כיתות אין תלמוד תורה, ווי די קינדער האבן מקבל פנים געווען בשירה וזמרה, און די רבי האט מאציל געווען מברכת קדשו פאר די ילדי החמד, דערנאך איז די רבי אנגעקומען אויף תפילת מנחה בבית מדרשו אין רמה ד', און פון דארט ארויסגעפארן צום לוטפעלד אויפן וועג קיין עיר הבירה לאנדאן צו באשיינען די חתונה בבית הנגיד החסיד ר' שלמה ווייל הי"ו.
