קול בחצרות – נעכטן זינטיג איז פארגעקומען די מעמד הכנסת ספר תורה וואס איז אריינגעגעבן געווארן צום סקווירא בית המדרש אין די 'בעיטס' געגענט אין מאנסי, לע"נ האברך הר"ר שרגא אלי' געשטעטנער ע"ה, וועלכער איז ל"ע טראגיש אומגעקומען אינעם שוידערליכן טראגעדיע אין אתרא קדישא מירון ל"ג בעומר תשפ"א, נאכמיטאג איז פארגעקומען די סיום כתיבת האותיות בביתו נאווה קודש פון כ"ק האדמו"ר מסקווירא שליט"א וועלכע האט אריינגעשריבן די לעצטע אותיות אינעם ספר תורה במעמד פן די בני המשפחה אין די מתפללי הביהמ"ד.
