פארלאפענע וואך חמשה עשר באב, האט כ"ק אדמו"ר מפינסק קארלין שליט"א מעריך געווען שולחנו הטהור לכבוד די הילולא קדישא פון הרה"ק רבי אשר השני מסטאלין זי"ע, צווישן די חשובע משתתפים ביים טיש איז געווען כ"ק אדמו"ר מלעלוב בר אילן שליט"א.
דער פינסק קארלינער רבי, א ידיד בית אבא, זייענדיג להבדיל בין חיים לחיים גאר א נאנטער ידיד פון דעם רבינ'ס פאטער כ"ק אדמו"ר מהרי"ד מלעלוב זצ"ל, האט גאר ווארעם אויפגענומען דעם רבי'ן און אים געזעצט נעבן זיך. דער רבי שליט"א האט מיטגעהאלטן דעם שלחן הטהור כעבדא קמי מרא, און נאכ'ן טיש האבן זיך די רבי'ס געזעגנט בברכות לרוב.
