פארלאפענע וואך ט"ז תמוז איז אויסגעפאלן די 51'סטע הילולא קדישא פון כ"ק אדמו"ר הרה"ק רבי אברהם יהושע העשיל מקאפיטשניץ זי"ע. דינסטאג נאכט, בליל ההילולא קדישא, האט נכדו וממלא מקומו כ"ק אדמו"ר מקאפיטשניץ שליט"א אפגעראכטן די סעודת הילולא רבתי וסיום הש"ס אין קאפיטשניצער בית המדרש אין דער עזרת תורה געגנט אין ירושלים. אויפצומארגנס מיטוואך איז דער רבי ארויסגעפארן קיין עיר הקודש טבריה, שם חלקת מחוקק ספון, וואו עס איז פארגעקומען דער מעמד עליה לציון הקדוש ברוב עם הדרת מלך.
