פארלאפענעם וואך האט כ"ק אדמו"ר מלעלוב שליט"א באשיינט די חומש סעודה פון די ילדי תלמוד תורה קדושת מרדכי לעלוב אין בארא פארק. די קינדערליך האבן מקבל געווען פני הקודש פונעם רבי'ן דער נשיא המוסד בשירה וזמרה, און די רבי האט זיך באגריסט מיט די אנוועזנדע רבנים אויפן אויבן אן. דערנאך האבן די קינדער פארגעזאגט די פסוקי המקרא כנהוג און דער רבי האט משמיע געווען דברות קודש. צום שלוס פונעם מעמד זענען אלע תלמידים דורך ביים רבי'ן שליט"א באקומען מזונות.
