זונטאג בהעלותך • ט"ו סיון תשפ"ו | בחצרות הקודש
בילדער קרעדיט: JDN
אנעם אכסניא פון מרן אדמו"ר מוויזניץ שליט"א אין מושב אורה בגלילות ירושלים איז נעכטן מוצאי שבת אפגעראכטן געווארן די שמחת הפארשפיל לרגל השמחה במעון קדשו, די בעפארשטייענדע חתונה פון נכדתו הכלה, בת בנו הגה"צ רבי יעקב מרדכי האגער אבד"ק וויזניץ אלעד, זייענדיג א פרייליכע התחלה צו די קייט פון ימי השמחה די וואך.
די שמחה איז געווען באגלייט מיט כלי זמר בקול צהלה ורינה, ווען דער רבי שליט"א איז מעודד די ניגונים בכל כוחו. אינצווישן די ניגונים האט זיך דער רבי אויפגעשטעלט אויף א פייערדיגן ריקוד מיט מקורבו הרב יעקב טעסלער, שלוחא דרבנן און מיט נאמן ביתו הרב יעקב אדלער אויף די ניגון "יש בורא עולם".
די וואך פ' שלח אין ארץ ישראל וועט דער רבי שליט"א אהיימקומען פונעם מקום הנופש אין מושב אורה, לקראת די גרויסארטיגע חתונה דעם מיטוואך און די נאכפאלגענדע שבת שבע ברכות אין קרית וויזניץ.
באזונדער ווערן אויסגעפלאנט די שבעת ימי המשתה וואס וואס אריינרעכענען א ספעציעלע שבע ברכות פאר יתומים, א שבע ברכות דורך די קהילה אין אלעד און א שבע ברכות דורך די מחותן כ"ק אדמו"ר מגארליץ שליט"א וואס וועט זיין בשילמוב מיטן שמחת התנאים לרגל די פרישע שידוך שליסן צווישן די הויפן פון וויזניץ און גארליץ.
