זונטאג פ' מקץ • כ"ד כסלו – ערב יו"ט חנוכה תשפ"ו | בחצרות הקודש
דעם דינסטאג אוונט נאכן שבע ברכות פון אן אייניקל ביי כ"ק האדמו"ר מהארדענקא שליט"א וואס איז פארגעקומען אין שטאט אשדוד, איז דער רבי אריבער אויף א באזוך אינעם ביהמ"ד הגדול והחדש טאלנא, אויף די פערזענליכע איינלאדענונג פון כ"ק אדמו"ר מטאלנא שליט"א. דער טאלנער רבי האט דערביי מכבד געווען דעם רבי'ן קובע צו זיין א מזוזה ביי איינע פון די טירן אין ביהמ"ד, נאכגעפאלגט מיט א שיינעם מסיבת לחיים. דערנאך איז דער רבי אריבער צו די נייע ישיבה לצעירים בנשיאותו פונעם טאלנער רבי און זיך דארט אומגעקוקט ארום דעם בנין מפואר וואס איז נישט לאנג צוריק באנייעט געווארן און בליץ שנעל קונה שם געווען אלס הערליכער מקום תורה, ושמו הטוב הולך לפניו.
