דינסטאג פ' חי שרה • כ' חשון תשפ"ו | בחצרות הקודש
בילדער קרעדיט: אייזיק ג.
נעכטן מאנטאג האט כ"ק האדמו"ר מסאטמאר שליט"א אפגעשטאט א באזוך אינעם בנין התלמוד תורה 'בנין ווידער פאלאטשעק' אין קרית יואל וואו די רבי האט מפאר געוועהן די מעמד 'התחלת לימוד משניות' דורך די אריבער 500 תלמידי כתה ג' פון אלע פיר סניפים פון די מוסדות אין קרית יואל.
די קינדער האבן געזינגען עטליכע ניגונים און חרוזים לכבוד המאורע אנגעפירט דורך די מנהלים. דער רבי האט געטרינקן לחיים און משמיע געווען דברי ברכה ארויסברענגענדיג די שמחה פון די קינדער אז מען הייבט אהן לערנען משניות און מסיים געווען בברכת קדשו, דערנאך האט דער רבי פארטיילט שיריים פאר אלע מלמדים צו פארטיילן פאר די קינדער.
נאכן מעמד האבן די קינדער ארויסבאגלייט דעם רבי'ן שליט"א מיט ניגוני שמחה לקראת די מסע הקודש וואס די רבי שליט"א נעמט אונטער קיין ארה"ק קומענדיגע וואך.
