דאנערשטאג פ' וילך • ג' תשרי תשפ"ו | בחצרות הקודש
כמידי שנה בשנה אין די טעג פון עשרת ימי תשובה זענען ארויפגעקומען למעון קדשו פונעם פוסק הדור הגאון האדיר רבי משה שטערנבוך שליט"א בעל תשובות והנהגות די צענדליגער שוחטים ובודקים פונעם "וועד השחיטה שע"י העדה החרדית", וואו דער פוסק הדור האט בודק געוועהן די "שחיטה מעסער'ס" פון אלע שוחטים, סיי פון די שוחטים א גאנץ יאר און בפרט די שוחטים וועלכע שטייען ביים מנהג הכפרות אום ערב יום הקדוש. דער גאון האט א לענגערע צייט איבערגעקוקט די חלפים פון פגימות, וואו די שוחטים זענען דורך איינציגווייז יעדער מיט זיין חלף, און דער פוסק הדור האט דאן ארומעגערעט בשבח פונעם שחיטה המהודרת פון די עדה החרדית און ווארעם אנגעוואונטשן די שוחטים.