מאנטאג פ' כי תצא • ח' אלול תשפ"ה | בחצרות הקודש
בילדער קרעדיט: JDN
כ"ק אדמו"ר מדושינסקיא שליט"א וואס איז צוגאסט די טעג אין ניו יארק האט פארגאנגענעם ליל שישי אפגעשטאט א באזוך ביי כ"ק אדמו"ר ממונקאטש שליט"א אין בארא פארק, וואו עס איז געשאפן געווארן א שיינעם שמועס בדברי תורה וסיפורי צדיקים. בתוך הדברים האט האדמו"ר מדושינסקיא דערציילט וואס איז מקובל אין די משפחה אז זיין פאטער כ"ק אדמו"ר הגה"ק מהרי"ם דושינסקיא זצ"ל גאב"ד ירושלים איז געבוירן געווארן נאך א ברכה פון הגה"ק בעל מנחת אלעזר ממונקאטש זי"ע. נאכן באזוך האט דער מונקאטשער רבי מכבד געוועהן דעם רבי'ן מיט לחיים און ארויסבאגלייט ביותרת הכבוד.