דאנערשטאג פ' פנחס • כ"א תמוז תשפ"ה | בחצרות הקודש
דעם שבעה עשר בתמוז איז אפגעהאלטן געווארן א רירנדער מעמד "קידוש בית החיים" דורך די רבני וראשי קהלת וויזניץ בני ברק, אריינברענגענדיג צום באנוץ א פרישע גרויסע בית החיים לאחר אריכות ימיהם ושנותם פון די בני הקהלה, אין צוגאב צום ביז היינטיגן וויזניצער בית החיים אין בני ברק, וואו ס'איז שוין שטארק ענג מיט פלאץ און ס'איז שווער צו צושטעלן פרישע מקומות קבורה פאר צוגענגליכע פרייזן.
די נייע חלקה איז אפגעקויפט געווארן דורך די חברה קדישא "יראים" דקהל וויזניץ, אינעם בית עלמין "ירקון" נאנט צו בני ברק, וואס וועט גערופן ווערן "בית החיים יראים", און מ'וועט זיך דארט פירן מיט אלע מנהגים פון די וויזניצער חברה קדישא.
נעכטן זונטאג, צום שבעה עשר בתמוז, איז אפגעהאלטן געווארן דער מעמד "קידוש בית החיים", מיט אלע מנהגים וענינים ווי אזוי ס'איז איינגעפירט מדור דור, כדת וכדין, בראשות די רבני חברה קדישא, ובראשם הרה"ג ר' שמואל בערגער שליט"א רב ביהמ"ד טאלנא בני ברק, רב החברה קדישא.
דער מעמד האט זיך אנגעהויבן מיט אמירת פרקי תהילים מיט גרויס התעוררות, נאכגעפאלגט מיט הקפות ארום דעם נייעם שטח הבית החיים כנהוג.