דינסטאג פ' שלח • כ"א סיון תשפ"ה | בחצרות הקודש
בילדער קרעדיט אברומי בערגער, JDN
מיט רגשי קודש און בענקעדיגע געפילן גרייטן זיך תלמידי וחברי ק"ק אמונת ישראל אפצורעכטן די יומא דהילולא קדישא קמייתא פונעם אומפארגעסליכן רועה נאמן, זקן המשגיחים הגה"צ רבי משה וואלפסאן זצ"ל אב"ד אמונת ישראל, שטייענדיג א גאנץ קיילעכיג יאהר זינט יענעם שווערן טאג י"ז סיון תשפ"ד, ווען עס איז געווען חשכו המאורות.
היי יאהר ווען די הילולא קדישא איז אויסגעפאלן ערב שבת קודש איז בליל ההילולא – דאנערשטאג נאכט געפראוועט געווארן די צענטראלער סעודת הילולא און סיון הש"ס אין ביהמ"ד הגדול אמונת ישראל אין בארא פארק, ווי עס האאבן זיך פארזאמלט לבית מדרשו של רבי, די תלמידים וחסידים פון אומעטום מעלה צו זיין זכרו הטהור און מקיים זיין דעם 'הדבק במידותיו', בצל נכדו ממלא מקומו הגה"צ רבי שמואל יהודה זילבער שליט"א אבד"ק אמונת ישראל וואס האט משמיע געווען מדברותיו לכבוד ההילולא. באזונדער האבן אויפגעטרעטן מיט דברי זכרון די חתנין רבנן כ"ק אדמו"ר מתולדות יהודה שליט"א, און הגה"צ רבי חיים ראזענבערג ראש ישיבת שערי יושר.
בשעתן סעודה האט מען געמאכט דעם סיום ש"ס וואס איז געלערנט געווארן דורך די תלמידים דורכאויס דעם שנת האבל.