דינסטאג פ' בהעלתך • י"ד סיון תשפ"ה | בחצרות הקודש
נעכטן אויפדערנאכט האט זיך כ"ק האדמו"ר מתולדות אהרן שליט"א משתתף געוועהן ביים שמחת השבע ברכות במעונו פון אחיו הגדול כ"ק האדמו"ר מתולדות אברהם יצחק שליט"א לכבוד די חתונה פון א אייניקל, דער חתן בן זקונים פון בנו הגדול הגה"צ רבי אהרן קאהן ראש ישיבת תולדות אברהם יצחק. די שמחה איז פארגעקומען אויף א באשיידענעם פארנעם מיט די בני המשפחה, וואו די רבי'ס האבן אינאיינעם פארברענגט בנועם שיח און צונויפגעשמועסט שיינע ענינים ארום שמחת נישואין. ביים ענדע האט כ"ק אדמו"ר מתולדות אברהם יצחק שליט"א אנגעוואונטשן דעם ברודער האדמו"ר מתולדות אהרן לכבוד די חתונה פון אן אייניקל וואס קומט פאר היינטיגן דינסטאג.