מאנטאג פרשת טהרה • ל' ניסן תשפ"ה | בחצרות הקודש
נעכטן נאכמיטאג איז כ"ק אדמו"ר מתולדות אברהם יצחק שליט"א אנגעקומען אויף א ביקור נימוסין ביים פאר הדור הגה"צ רבי יעקב מאיר שעכטער שליט"א מנהיג חסידי ברסלב, אלס השלמה פון יום טוב פסח, נאכדעם וואס האד' מתולדות אברהם יצחק איז זיך נוהג נישט צו פארן אום חול המועד. עס איז ארומגעשמועסט געווארן בנועם שיח אריבער א האלבע שעה ווי הרה"צ רבי יעקב מאיר שליט"א האט דערציילט הערליכע זכרונות פון זיינע גרויסע רבי'ס און אלטע פארצייטישע חסידים ואנשי מעשה פונעם פריערדיגן דור.
נאכן באזוך האט דער רב שליט"א געהייסן אריינברענגען כיבוד און דערנאך מכבד געוועהן האדמו"ר מתולדות אברהם יצחק צו קובע זיין א מזוזה ביי איינע פון די טירן במעון קדשו, וואס מען האט נארוואס באנייעט צום יום טוב פסח העעל"ט.