מיטוואך פ' ויקהל • י"ט אדר תשפ"ה | בחצרות הקודש
בילדער קרעדיט: שוקי לרר
דעם מאנטאג נאכמיטאג בעת די אפעראציע ביי מרן אדמו"ר מוויזניץ שליט"א איז בנו הגדול הגה"צ רבי חיים מאיר האגער אבד"ק קרית וויזניץ אנגעקומען אין באגלייטונג פון א עדה חסידים צום וויזניצער אהל וואו ער האט מיטגעהאלטן די משמורת תהילים דורך עדת חסידי וויזניץ אין לויף פונעם טאג, מתפלל צו זיין למען בריאת גופו הטהור פונעם רבי'ן שליט"א. דערנאך האט ער מתפלל געוועהן ביי די ציונים הק' אויפן ארטיגן בית החיים, פונעם זיידן כ"ק אדמו"ר מטשערנאביל זצ"ל, מרן החזון איש זי"ע און דער שר התורה הגאון רבי חיים קנייבסקי זצ"ל שטייענדיג אויפצומארגנס פון זיין יארצייט. שפעטער נאכמיטאג האט דער רב שליט"א מיטגעהאלטן דער יום תפילה רבתי אין גרויסן ביהמ"ד אין קרית וויזניץ.