מיטוואך פ' כי תשא • י"ב אדר תשפ"ה | בחצרות הקודש
בילדער קרעדיט: JDN
מיט א רגש קודש האבן אלפי חסידי תולדות אהרן מיטגעהאלטן נאך א שמחה אינעם רבינס הויף, די שמחת נישואין פון א אייניקל ביי כ"ק אדמו"ר מתולדות אהרן שליט"א, די כלה א טאכטער פון זיין זון הגה"צ ר' משה קאהן אב"ד תולדות אהרן לאנדאן און טבריה, איידעם ביי כ"ק אדמו"ר ממעליץ שליט"א, מיט די חתן א זון פון הרה"צ ר' יהודה ארי' האלבערשטאם שליט"א, זון פון כ"ק אדמו"ר מגארליץ שליט"א, און איידעם ביי הגה"צ אבד"ק סערט ויזניץ ירושלים שליט"א.
די שמחה איז פארגעקומען אין ביהמ"ד הגדול תולדות אהרן אין ירושלים, זייענדיג א געהויבענער איבערלעבעניש, אנגעהויבן ביים מעמד קבלת פנים דערנאך ביים ההתעוררות'דיגן מעמד החופה ווי כ"ק אדמו"ר מתולדות אברהם יצחק שליט"א איז מכובד געווארן מיט סידור קידושין. עס האט דאן נאכגעפאלגט די סעודת החתונה ברוב פאר והדר, און צום גולת הכותרת די מעמד המצוה טאנץ ווען כ"ק אדמו"ר מתולדות אהרן שליט,א האט – כדרכו אפגעראכטן די הייליגע ריקודין לפני הכלה, וינעו אמות הסיפים.