מאנטאג פ' תצוה • ג' אדר תשפ"ה | בחצרות הקודש
דעם שבת איז פראכטפול באנייעט געווארן די נייע ביהמ"ד אור יצחק ראדוויל אין מאנסי, בנשיאות כ"ק אדמו"ר מראדוויל מאנסי שליט"א הגה"צ ר' מרדכי מיכלאוויטש שליט"א, די חנוכת הבית איז געוועהן קאמבאנירט מיטן שבת עלייה לתורה פון החתן א זוהן פונעם ראדווילער רבי שליט"א פון מאנסי מיט די כלה א טאכטער פון הרה"צ ר' יהודא ראטטענבערג שליט"א, זון פון כ"ק אדמו"ר מקאסאן לאנדאן שליט"א, און איידעם ביי הגה"צ ר' נפתלי פינחס ענגלענדער שליט"א דומ"ץ פשעווארסק לאנדאן.
ליל שישי איז פארגעקומען א מעמד קביעת מזוזות פארן נייעם ביהמ"ד ווי כ"ק אדמו"ר מתולדות צבי דספינקא שליט"א האט קובע געוועהן די מזוזה ביים הויפט טויער פונעם ביהמ"ד. שבת איז דארט געפראוועט געווארן די שמחת האויפרוף וואס איז געקומען צום קלימאקס ביים גראנדיעזע מעמד חנוכת הבית וואס איז געפייערט געווארן במוצאי יום גילה מיט פייערליכע שמחה און עקסטאז, במקהלות עם רב ובראשם די אדמור"י ורבני העיר מאנסי וועלכער האבן באשיינט די שמחה כפולה ומכופלת.
