זונטאג פ' וארא • י"ט טבת תשפ"ה | בחצרות הקודש
בילדער קרעדיט: שוקי לרר, שלומי טריכטער, מ"ש, JDN
פארלאפענעם וואך ט"ו טבת איז אויסגעפאלן די יומא דהילולא קדישא פון הרה"ק בעל דבר חיים מנדבורנא זי"ע, דינסטאג נאכט בליל ההילולא האט נכדו הגדול וממלא מקומו כ"ק אדמו"ר מנדבורנא שליט"א אפגעראכטן די סעודת ההילולא אין גרויסן ביהמ"ד אין קרית נדבורנא בני ברק, וואו דער רבי האט משמיע געוועהן דברות קודש מדברי תורתו פונעם זיידן דער בעל ההילולא.
צומארגנס מיטוואך צופרי האט דער רבי יורד געוועהן לפני התיבה צו שחרית און נאכן דאווענען מעריך געוועהן א שולחן לחיים לכבוד די יארצייט, וואו די זקני החסידים ונכבדי העדה האבן מעלה געוועהן זכרונו הבהיר פונעם רבי'ן זצוק"ל און דערציילט עובדות וסיפורים. נאכמיטאג איז דער רבי שליט"א ארויף צום ציון הק' אויפן הר הזיתים אינאיינעם מיט די חסידים, להיפקד בדבר ישועה ורחמים.
