מאנטאג פ' וישלח • ח' כסלו תשפ"ה | בחצרות הקודש
שמחת בית סאטמאר: פארלאפאנעם וואך איז בשעטומ"צ געשלאסן געווארן די שיינע רבישע שידוך פון א אייניקל ביי כ"ק אדמו"ר מסאטמאר שליט"א, די כלה א טאכטער פון חתנו הגדול הגה"צ ר' העניך אשכנזי שליט"א מאלעסק, רב ביהמ"ד אבני צדק אין קרית יואל, מיט די חתן א זון פון הגה"צ ר' יהושע שלום נתן רובין שליט"א אבד"ק גלאגוב, איידעם ביי כ"ק אדמו"ר מצאנז זצ"ל פון בארא פארק.
די שמחת התנאים איז פארגעקומען בבית מדרשו פונעם מחותן אבי הכלה אבד"ק אבני צדק אין קרית יואל, וואו דער רבי האט מסדר געוועהן – און געליינט די תנאים און משמיע געוועהן דברות קודש בעניני נישואין, דערנאך האט דער חתן געזאגט די פשעטיל און מען האט אריינגעזינגען כנהוג.
מען האט געזינגען ניגוני שמחה און דער גאנצער ציבור איז אריבער וואונטשן מזל טוב פארן רבי'ן שליט"א און די מחותנים.
