דעם זונטאג אווענט איז אנגעקומען אויף א באזוך צו כ"ק אדמו"ר מסאטמאר שליט"א אין קרית יואל כ"ק האדמו"ר מקאסוב שליט"א פון לעיקוואד, עס האט זיך פארמירט א שיינע שמועס בסיפורי צדיקים פון צדיקי בית קאסוב און דער סאטמארער רבי האט ארויסגעברענגט די ידידות מיט אביו כ"ק אדמו"ר מקאסוב זצ"ל, דער רבי האט מכבד געווען מיט לחיים און ווארעם אנגעוואונטשן ברכת קדשו לקראת די ימי הרחמים והרצון הבעל"ט און האדמו"ר מקאסוב האט געגעבן פארן רבי'ן ספר שרגא דנהרא פון אביו האדמו"ר מקאסוב זצ"ל וועלכע איז יעצט ערשינען לאור עולם.
