לקראת די יומא דהילולא קדישא פונעם פוסק הדור הגה"ק בעל 'שבט הלוי' זי"ע וואס געפאלט אויס די קומענדיגע יום טוב ראשון דפסח, איז נכדו מ"מ כ"ק אדמו"ר משבט הלוי שליט"א וגאב"ד זכרון מאיר היינט נאכמיטאג ארויף פוקד זיין דעם ציון הק' אויפן בית החיים זכרון מאיר אין בני ברק, און שפעטער פארנאכטס אפגעראכטן די צענטראלע סעודת מצווה וסיום הש"ס אין בית מדרש הגדול אין די זכרון מאיר געגענט אין בני ברק, ווען כולם נקבצו ובאו, תלמידים חסידים און מעריצים איבערצוחזרן משנתו הטהורה פונעם גרויסן בעל ההילולא.
