אדמו"רים רבנים אין הונדערטער חסידים האבן פארלאפענעם וואך מיטגעהאלטן די שמחת הנישואין פון א אייניקל ביי כ"ק אדמו"ר מאשלג שליט"א, די כלה א טאכטער ביי זיין זוהן הרה"צ רבי יהודה לייב אשלג שליט"א פון ירושלים חתן כ"ק מרן אדמו"ר מקאמארנא שליט"א פון רמת שלמה, מיט די חתן א זוהן פון הרה"צ רבי משה לייב האגער שליט"א מזאבליטוב. די חתונה איז פארגעקומען אין שטאט בית שמש וואו פילע אידן האבן זיך מיטגעפריידט בשמחת בית צדיקים אויף א דערהויבענעם פארנעם.
