דעם מוצאי שבת פ' ויחי האט כ"ק האדמו"ר מנדבורנא ירושלים שליט"א אפגעראכטן שולחנו הטהור אינאינעם מיטן סעודת מלוה מלכה לרגל די הילולא קדישא פון זקינו הרה"ק בעל דבר חיים מנדבורנא זצו"'ל, דער רבי שליט"א האט געמאכט די סיום הש"ס און מכבד געוועהן עטליכע פון די זקני החסידים צו דערציילן עובדות און סיפורים פונעם זיידן דער בעל ההילולא. אויפצומארגנס בעצם יומא דהילולא איז דער רבי ארויף צום ציון הק' אויפן הר הזיתים בראש קהל חסידיו, להיפקד בדבר ישועה ורחמים.
