דינסטאג פ' שמות • י"ז טבת | בחצרות הקודש
בילדער קרעדיט: שוקי לרר
פארלאפענעם זונטאג ט"ו טבת איז אויסגעפאלן די יומא דהילולא קדישא פון הרה"ק בעל דבר חיים מנדבורנא זי"ע, מוצאי שבת בליל ההילולא האט נכדו הגדול וממלא מקומו כ"ק אדמו"ר מנדבורנא שליט"א אפגעראכטן די סעודת ההילולא אין גרויסן ביהמ"ד אין קרית נדבורנא בני ברק, וואו דער רבי האט משמיע געווען דברות קודש מדברי תורתו פונעם זיידן דער בעל ההילולא. אלס נואם הכבוד האט אויפגעטרעטן הגה"צ ר' אליעזר ליבר שנעעבאלג שליט"א גאב"ד עדזשווער לאנדאן, וואס האט דערציילט שיינע ענינים און זכרונות פונעם בעל ההילולא.
צומארגנס זונטאג צופרי האט דער רבי יורד געווען לפני התיבה צו שחרית און נאכן דאווענען מעריך געווען א שולחן לחיים לכבוד די יארצייט, וואו די זקני החסידים ונכבדי העדה האבן מעלה געווען זכרונו הבהיר פונעם רבי'ן זצוק"ל און דערציילט עובדות וסיפורים. נאכמיטאג איז דער רבי שליט"א ארויף צום ציון הק' אויפן הר הזיתים אינאיינעם מיט די חסידים, להיפקד בדבר ישועה ורחמים.