מיטוואך פ' מקץ • א' טבת תשפ"ד | בחצרות הקודש
אין די יעצטיגע ימי החנוכה איז כ"ק האדמו"ר מספינקא שליט"א אנגעקומען צו די נייע ספינקא בתי מדרשים אין ירושלים אין בית שמש און דארט געפראוועט מעמדי הדלקת נרות חנוכה אינאיינעם מיט די חסידים ומתפללי הבית מדרש.
זינטאג די פערדע ליכטל איז די רבי אנגעקומען לבית מדרשו החדש אויף רח' בר גיורא אין עיה"ק ירושלים, וואו די רבי האט קובע געווען א מזוזה ביים אריינגאנג צום ביהמ"ד, און דאן אנגעצינדן די נרות במעמד קהל רב, נאך די מזמורים האט די רבי אפגעראכטן א שולחן לחיים לרגל די פתיחת שערים, אין משמיע געוועהן דברות קודש בגודל קדושת בית המדרש, און די אהבה וחיבה וואס אביו הרה"ק מספינקא זצוק"ל האט געהאט צום עיר הקודש ירושלים וואו ער פלעגט זיך אויפהאלטן דורכאויס די זומער חדשים בעיר ה' שמה, און מאציל געווען מברכות קדשו לרוב פאר די מתפללי הביהמ"ד, פארן רב הביהמ"ד בנו הרה"צ רבי אברהם אביש ווייס אב"ד ספינקא ירושלים און נכדו הרב יעקב יוסף ווייס וואס שטייט בראש ביהמ"ד מקירוב מקום.
צומארגנס מאנטאג נר ה' דחנוכה איז די רבי אנגעקומען לבית מדרשו החדש אין שטאט בית שמש אין די רמה ג' געגענט וואו די רבי האט קובע געווען א מזוזה און אפגעראכטן די הדלקת נרות חנוכה, נאכגעפאלגט מיט א מסיבת לחיים לכבוד המאורע.
