זונטאג פ' שמות • י"ט טבת תשפ"ד | בחצרות הקודש
אריינטרעטנדיג אין די ימי השובבי"ם האבן אלע קהילות קדושות דחסידי בעלזא אין ארץ ישראל אין אין חוץ לארץ מייחד געוועהן דעם שב"ק פר' ויחי, וואס איז באשטימט געווארן דורך כ"ק האדמו"ר מבעלזא שליט"א אלס "שבת טהרנו" צו באפעסטיגן די חומות הדת און אכטונג געבן אויף די נפשות בני ישראל פון די פגעי הטעכנאלאגיע, נעכטן מוצאי שבת נאך הבדלה פון כ"ק האדמו"ר מבעלזא שליט"א אינעם גרויסן שטוב אין קרית בעלזא האט אויפגעטראטן מיט א דרשה פון הגה"צ רבי שלמה דוד קליין דומ"ץ בעלזא לאנדאן וועלכע האט בנוכחתו פונעם רבין שליט"א ארויסגעברעגנט דאס הארבקייט פון די טריפה'נע כלים אין מעורר געוועהן אכטונג צו געבן אויף די גדרים און סייגים פון די פגעי הטעכנאלאגיע.