מיטוואך פ' חיי שרה • כ"ד חשון תשפ"ד| בחצרות הקודש
היינט נאכמיטאג איז כ"ק האדמו"ר מוויז'ניץ שליט"א אנגעקומען צו די שיבא שפיטאל אין תל השומר וואו די רבי האט מבקר חולה געוועהן ביי פילע פארוואונדעטע אין די שרעקליכע פאגראמען פארגאנגענעם יו"ט שמחת תורה. דער וויזניצער רבי האט ווי באקאנט באלד ביים אנהייב פונעם מלחמה אויפגעפאדערט פון די חסידים ארויסצוגיין צו די שפיטעלער מחזק צו זיין אין הייבן די געמיטער פון די פארוואונדעטע. היינט איז די רבי שליט"א פערזענדליך אראפגעפארן צו די תל השומר שפיטאל וואו עס זענען האשפיטאליזירט פילע פארוואונדעטע וואו די רבי איז ארומגעגאנגען אין מחזק געוועהן די חולי ישראל, ארויסגייענדיג האט די רבי איבערגעלאזט ברכת קדשו פאר די שפיטאל פארוואלטונג זיי זאלן זעהן פיל הצלחה אין סייעתא דשמיא אין זייער איבערגעגעבענע ארבעט למען חולי ישראל.