דאנערשטאג פ' תצוה • י"ג אדר א' תשפ"ד | בחצרות הקודש
בילדער קרעדיט: סאטמער'ע נייעס
די וואך מאנטאג איז פארגעקומען א אסיפה בביתו נאוה קודש פון"ק האדמו"ר מסאטמאר שליט"א אינאיינעם מיט די הנהלה פון איגוד הסופרים אין קרית יואל בנוגע די לעצטיגע פראבלעמען פון בדיקת ספרי תורה דורכן קאמפיוטער, און די פלענער און סערוויסעס וואס דער איגוד הסופרים וועט צושטעלן פארן ציבור אין דעם געביט. איבערהויפט האט מען דן געוועהן איבער די 'הכשר לבדיקת קאמפיוטער' דורך די איגור הסופרים אין קרית יואל מיטן ציל נאכצוגיין די קראנטקייט פון די קאמפיוטערס וואס טוהן בודק זיין ספרי תורה, נאכפאלגענדיג א רייע מכשולות צוליב אומריכטיגע באנוץ פון 'קאמפיוטער בדיקות', ווען עס איז געפינען געווארן פסולים אין מערערע ספרי תורה אין אמעריקא און ארה"ק, כאטש וואס די ספרי תורה זענען אריבערגעגאנגען הגה"ה און קאמפיוטער בדיקות. דער רבי איז איבערגעגאנגן מיט זיי אלע פרטי הדברים א לענגערע צייט און מאציל געווען מברכת קדשו שלא יצא מכשול מתח"י.