דאנערשטאג פ' ויקהל פקודי – כ"ג אדר תשפ"ג
קול בחצרות – דעם מאנטיג צופרי ביומא דהילולא פון הרה"ק בעל 'ישועות משה' מוויז'ניץ זכר צדיק לברכה האט נכדו הגה"צ אב"ד קרית וויז'ניץ שליט"א בנו הגדול פון מרן האד' מוויז'ניץ שליט"א געדאווענט שחרית אין וויזניצער ביהמ"ד אין וויליאמסבורג אינאיינעם מיט די הונדערטער ילדי התלמודי התורה דחסידי וויז'ניץ פון איבער גרעיטער ניו יארק וואס רעכנט אריין בארא פארק, מאנסי אין וויליאמסבורג.
נאכן דאווענען האט דער רב אפגעראכטן א מסיבת לחיים לכבוד די יארצייט אין אויפגעטראטן פאר די קינדער במנתו הטהורה של בעל ההילולא.