נעכטן נאכמיטאג בעת כ"ק האדמו"ר מתולדות אברהם יצחק שליט"א האט זיך געפונען אין מושב אורה אויף א שפאציר בנאות דשא, איז דער רבי שליט"א צוגעגאנגען אויף א באזוך אין די אכסניא פון מחותנו מרן אדמו"ר מוויזניץ שליט"א לרפואה שלימה. ווען דער רבי איז אנגעקומען האט דער וויזניצער רבי געווען אויפן וועג ארויס צום שפיטאל אויף א רוטינע באהאנדלונג. די אדמור"ים האבן קורצליך געשמועסט אויפן גאס, אונטער די פרישע לופט וואו זיי האבן זיך נאכגעפרעגט איש בשלום רעהו, און זיך הארציג געזעגענט בברכות לרוב.
