דורכאויס פארלאפענעם וואך פרשת אחרי-קדושים האט כ"ק אדמו"ר מוויזניץ שליט"א געוויילט אויף אפרוה אין וועסט פאלם ביעטש פלארידע, צו שעפן פרישע כוחות בנאות דשא. אין לויף פון די וואך האבן פילע ארטיגע איינוואינער און באזוכער אויסגענוצט די געלעגנהייט זיך צו דערווארעמען לאורו, וואו דער רבי האט פארברענגט מיט די אידן מן ההר אל העם, און באזונדער האט מען געהאט די זכיה יעדע נאכט מיטצוהאלטן דעם ספירת העומר וואס דער רבי האט פארגעזאגט אויפן וויזניצער נוסח אינעם ארטיגן בית המדרש.
