כמידי שנה בשנה האט כ"ק אדמו"ר מביאלא בני ברק שליט"א אפגעראכטן די יומא דהילולא קדישא פון זקינו הרה"ק בעל חלקת יהושע מביאלא זי"ע בקרב חסידיו אין עיה"ק ירושלים. שוין א שבת בעפאר די הילולא האט דער רבי געוויילט אין ירושלים וואו דער רבי האט יורד געוועהן לפני התיבה צו אלע תפילות און אפגעראכטן די שולחנות הטהורות ברוב עם.
מוצאי שבת בליל ההילולא איז דער רבי אריינגעקומען צום סעודת הילולא רבתי אין ביהמ"ד בהשתתפות פון א גרויסן ציבור חסידים ומעריצים. אלס נואם הכבוד האט אויפגעטערטן כ"ק אדמו"ר מפאריסוב שליט"א וועלכער האט דערציילט זכרונות הוד קדומים פונעם גרויסן בעל ההילולא. שפעטער כחצות הלילה איז דער רבי ארויף צום ציון הק' אויפן הר הזיתים בראש קהל חסידיו.
