דינסטאג פ' שופטים • ל' אב תשפ"ד | בחצרות הקודש
אפילו חרב חדה מונחת על צווארו של אדם אל ימנע עצמו מן הרחמים: יעצט נאכמיטאג איז אנטשטאנען א דראסטישע פארערעגרונג אינעם מצב הבריאות ביי כ"ק האדמו"ר מסקולען שליט"א און דאקטוירים האבן ווידער דערקלערט די מצב אלס 'קריטיש'.
ליידער איז היינט אדורך גאר אן שווערן טאג אין שפיטאל סיי לגבי די אינפעקציעס און סיי לגבי די שוואכקייט ביים רבי'ן שליט"א וואס ווערט ליידער ערגער פון טאג צו טאג, די דאקטורים זענען זייער נישט צופרידן פונעם מצב און זאגן אז מען איז אנגעוויזן אויף גרויס רחמים שמים אז דער רבי זאל זיך ארויסזעהן פונעם יעצטיגן מצב. אין אלע סקולענער בתי מדרשים קומט מען זיך יעצט צוזאם אויף מניני תהילים, און אידן בכל מקומות שהם רייסן איין וועלטן לרפואתו השלימה פונעם רבי'ן שליט"א, מרן ישעי' יעקב בן רייזל בתוך שאר חולי ישראל.