מיטוואך פ' ראה • כ"ד אב תשפ"ד | בחצרות הקודש
שטייענדיג אין די יעצטיגע שעת המלחמה אין ארץ הקודש, איז דער מירער ראש ישיבה הגאון ר' אליעזר יהודה פינקל שליט"א, אריבערגעקומען למעון הקודש פון מרן פוסק הדור הגאון האדיר רבי משה שטערנבוך שליט"א בעל 'תשובות והנהגות', וואו דער ראש הישיבה האט אנגעפרעגט אז היות עס זענען פארהאן בחורים מתלמידי הישיבה וועלכע קלערן נישט צוריק צוקומען דעם קומענדיגן זמן אין די ישיבה, אויס מורא פון די מלחמה צושטאנד. דער פוסק הדור האט דערויף רעאגירט: "שטענדיג זענען געווען שווערע זמנים, און אלעמאל האט די כח התורה מגין געווען". דער פוסק האט אויסגעפירט: "אויב וועלן זיי קומען אין ישיבה, וועלן זיי האבן מער זכותים אז עס זאל זיי נישט פאסירן קיין שלעכטס, ווייל די תורה איז די וואפן קעגן יעדע נגע ומחלה".