מאנטאג פ' ויקרא • ח' אדר ב' תשפ"ד | בחצרות הקודש
נעכטן זונטאג אויפדערנאכט האט מרן האדמו"ר מוויז'ניץ שליט"א באזוכט בבית האכסניא פון הגה"צ גאב"ד אנטווערפען שליט"א, וואס איז צוגאסט די טעג אין ארץ ישראל לכבוד די חתונה פון א אייניקל. די וויז'ניצער רבי שליט"א האט אנגעפרעגט דער אנטווערפענער רב שליט"א כדת מה לעשות ווען מען איז מסיים די שלושים די וואך נאך די פטירה פון די שוועסטער די סקווירא רעבעצין ע"ה, נאכדעם וואס די רבי שליט"א האט שוין מקבל געוועהן דין אבילות אין זיך געזעצט שבעה, א נאכט בעפאר די לוי'. די רב האט מכבד געוועהן די וויזניצער רבי מיט לחיים ונפרדו לשלום ברוב ברכות.