זונטאג פ' תולדות • כ"ח חשון תשפ"ד | בחצרות הקודש
א פייער האט אויסגעבראכן פארגאנגענעם ליל שישי אינעם ביהמ"ד דחסידי סאסוב אויף די 16'טע עוו. אין בארא פארק, וואס האט אנגעברענגט שווערע שאדנס פאר די שוהל, אבער מיטן אויבערשטנס הילף האט מען באוויזן ארויסצוראטעווען די ספרי תורה באצייטנס.
די שריפה האט זיך אנגעהויבן ביי איינע פון די עיר קאנדישן סיסטעמען און זיך פארשפרייט אינעם ביהמ"ד. פייערלעשער האבן שנעל ארויסגעראטעוועט די ספרי תורה, אין געברענגט דעם פייער אונטער קאנטראל, אן קיין מענטשליכע געשעדיגטע ב"ה.