מונטאג פ' חיי שרה • כ"ב חשון תשפ"ד| בחצרות הקודש
העתירו אל ה': כלל ישראל איבער די וועלט טוען מתפלל זיין לרפואת כ"ק אדמו"ר מדינוב שליט"א, וועלכער איז ערווארטעט מארגן דינסטאג פארמיטאג אדורכגיין א ערנסטע אפעראציע צו פארגרינגערן דעם רבינ'ס געזונט צושטאנד.
דער דינובער רבי שליט"א וועלכער איז פון די גאר אנגעזעענע אדמורי"ם אין שטאט וויליאמסבורג, ליידט שוין די לעצטע פאר יאהר פון פארשידענע מיחושים אין וועט דעריבער אפערירט ווערן אויפן האלז – אן אפעראציע וואס קען געדויערן ביז זעקס שעה, דער ציבור איז מתפלל אין מרבה בתפילה לרפואתו השלימה פון מרן יצחק יעקב בן חיה פרימא רבקה, די אפעראציע זאל אדורכגיין כשורה, און די רבי זאל אהיימקומען געזונטערהייט אינגיכן מיט פרישע כוחות.