דינסטאג פ' אחרי קדושים – ד' אייר תשפ"ג
דעם קומענדיגן וואך וועט כ"ק האדמו"ר מוויז'ניץ שליט"א אנקומען קיין ניו יארק אויף א איין טאג'יגע בליץ באזוך לרגל די שלושים צו די פטירה פון הרב החסיד הנגיד ר' בנימין ווערצבערגער עליו השלום, פון די נאנטע מקורבים און תומכים פון די מוסדות הקדושים 'מרכז חסידי וויז'ניץ' וועלכע איז נפטר געווארן פארגאנגענעם שבת הגדול.
אצינד ביום השלושים לפטירתו וועט די רבי שליט"א קומען צופארן אין זיך משתתף זיין ביים מעמד הקמת המציבה על קברו אין אן עצרת הספד וואס וועט אפגעהאלטן ווערן לזכרו, די רבי וועט אנקומען קיין ניו יארק מאנטיג פארמיטאג (אמור) אין שוין צומארגנס דינסטיג וועט זיך די רבי אומקערן קיין ארץ ישראל.