דעם זונטאג (דברים) ז"ך תמוז איז אויסגעפאלן די יומא דהילולא קדישא פון כ"ק אדמו"ר מצאנז זוועהיל זצוק"ל, לכבוד די יארצייט איז ממלא מקומו כ"ק אדמו"ר מזוועהיל שליט"א פון אמעריקא אנגעקומען קיין ארץ ישראל וואו די רבי שליט"א האט כמידי שנה בשנה אפגעראכטן די סעודת הילולא בבית מדרשו של בעל ההילולא אין די רמת שלמה געגנט אין ירושלים, עס האט זיך אויך משתתף געווען ביים סעודה כ"ק אדמו"ר מזוועהיל שליט"א פון ארץ הקודש, און כ"ק אדמו"ר מאונגוואר שליט"א פון אמעריקא וואס האט אויפגעטרעטן אלס גאסט רעדנער. איידער די סעודה איז מען ארויסגעפארן מתפלל צו זיין ביים ציון הק' אויפן חלקת אדמור"י זוועהיל במרומי הר הזיתים, להיפקד בדבר ישועה ורחמים.
