פארלאפענעם וואך האט כ"ק האדמו"ר מרחמיסטריווקא שליט"א באשיינט די יערליכע מעמד "כבוד התורה" אין ישיבה קטנה מאור עינים ראחמסטריווקא אין ירושלים, וואו דער רבי האט זיך געוואשן און מיטגעהאלטן די סעודת מצווה לכבודה של תורה, במעמד רבנן ותלמידיהון.
צום הויכפונקט פונעם מעמד האט מען געהערט דברי אלוקים חיים בחיזוק לימוד התורה דורכן רבי'ן שליט"א. דער רבי האט געבענטשט ברכת המזון על הכוס און דערנאך זיך אויפגעשטעלט אויף א פייערדיגע רקידה לכבוד התורה ולומדיה. צום שלוס פונעם מעמד האט דער רבי פארטיילט די תעודות פאר די בחורים מצוינים.
