לכבוד די יומא דהילולא קדישא פון כ"ק אדמו"ר הרה"ק בעל מאור ישראל מסקולען זצ"ל וואס איז אויסגעפאלן דעם שבת כ"ה אדר, האט בנו הצעיר ממשיך דרכו כ"ק אדמו"ר מסקולען ירושלים שליט"א אפגעראכטן דעם סעודת ההילולא אינאיינעם מיטן סעודת מלוה מלכה מוצאי שבת קודש בבית מדרשו אין ירושלים, וואו עס האט אויפגעטרעטן אלס נואם הכבוד הגה"צ המשפיע רבי צבי מאיר זילבערבערג שליט"א ראש חבורת נחלת יעקב וואס האט זוכה געווען צו געניסן פון א קירבה יתירה ביים בעל ההילולא בחיים חיותו.
